Nýtt myndband - Lorenzo snýr aftur
Tökur eru búnar og klipping hafin á myndbandi sem ber nafnið L'ascesa di Lorenzo.
Myndbandið fer fram á ítölsku líkt og titill þess gefur til kynna. Enska heiti myndbandsins væri: "The Rise of Lorenzo" og ætti fólk sem hefur séð myndbandið Ítalskt kaffi að þekkja nafnið Lorenzo. Hann er ítalskur mafíósi sem á erfitt uppdráttar.
Á myndinni hér fyrir neðan má sjá Lorenzo ræða við skósveina sína um mjög mikilvægt verkefni.
Myndbandið verður textað, þannig ekki þarf að hafa áhyggjur ef áhorfendur skilja ekki ítölsku. Hægt verður að velja texta bæði á ensku og íslensku.
L'ascesa di Lorenzo gerist á undan Ítalskt kaffi. Handritið skrifaði Knútur H. Ólafsson. Auk þess að skrifa, stjórnaði hann upptöku og leikstýrði í leiðinni. Með leik fara Heimir S. Sveinsson, Arnór E. Kristjánsson og Matthías H. Ólafsson.
(Eftirfarandi texta var bætt við 14. ágúst 2015): Myndbandið er nú komið undir 'Leikið efni' og er hægt að nálgast myndbandið hér.
